ZIMANÊ XWE NADIM
Helbest: Hinara Tajdîn
ZIMANÊ XWE NADIM
(Roja zimanê dayîkê me pîrozbe)
Zimanê şirîn, zimanê birîn,
Zimanê rengîn, zimanê zengîn,
Zimanê devê yar evîndara
Êşa Memo-Zîn.
Tera sund dixum, laçikê radxim,
Fikra lev dixim, hêsra vedixum,
Tu lewza devê şarûr, bilbilay
Helbesta Şikoy.
Ad, qirar kirye, navê Xwedaye,
Sunda Qesemê, Siltan Êzdaye,
Ez soz, doza xwe navîjim erdê
Ew zyaretîye.
Ez wî zimanî nadim qirêja,
Wan xwefiroşa, kesên ne hêja,
Paqij tiberke, Ava Zimzime
Nadim Kerr, gêja.
Bi wî zimanî min lûrî gotye,
Bêşîka zarra fesal hejandye,
Li ser mexberê dê û bavê xwe
Lorîk rijandye.
Bi wî zimanî, min sêwirandye,
Helbest û çîrok kerr nivîsandye,
Dil- cerga kul, derd şax daye bi êş
Kûr kewgirîye.
Nadim, ez nadim, kurdîya xwe nadim.
Xelat
