BIHARA EVÎNÊ
Helbest: Karîna Osêyan
Bihar hat bi reng û ronahî
Nîsan di dilan de şewq radike
Çem û kanî stran dibêjin
Evîn di nav wan de şîn dibe.
Gul vedibin li ser axa germ
Bêhna wan wek xewnên min e
Ez li benda te me, ey delalê min
Wek baxçe li benda baranê.
Bihar, evîn jî vedibe
Wek gul di dilan de şîn dibe
Ez li benda te me, tu werî
Hêvî di nav min de dimeşe.
Bihar e, ronahî tê dan
Dil ji nû ve dibe nişan
Ger tu werî, ez zindî dibim
Ger tu neyî, ez li benda te dimînim.
Bayê sivik nav poran dimeşe
Navê te bi xwe re tîne
Her şev li benda dengê te me
Dil bi hêvî roja te dibîne.
Perperok li ser gulan digerin
Ez jî li pey xewnên te me
Evîn wek ronahî di nav biharê
Her gav di dilê min de dimeşe.
Xelat
