Peykera `Agnîta` Yekem Pêşmergeya Jin A Biyanî Hat Çêkirin
Wek rêz û wefedarî, peykerek ji bo jina pêşmerge ya biyanî xanim (Agnîta) hat çêkirin.
Agnîta xanim, jina rêberê dêrîn (Omer Şêxmûs)e, ku yek ji damezrînerên Yekîtiya Nîştimanî ya Kurdistanê (YNK)ê ye, Agnîta yekem jina biyanî ku bûye Pêşmerge û xizmeta şoreşa nû ya Kurdistanê kiriye..
Di vê derbarê de Peykersaz (Faruq Ebdulrahman) ji Rojnameya Kurdistanî Nwê re axivî û got: Peykerê Xanim Agnîta li ser pêşniyara saziya Kerîmî Eleke û sponsoriya û palpiştiya darayî ya Dr. Taha Resûl ve hatiye çêkirin.
(Faruq Ebdulrahman) got: Peyker du metre û nîv bilind e, materyal ji kevirê mermer û fîberglassê ye, bi rengê bronz hatiye pêçandin û biryar e ku di 1/6/2026`an de di salvegera damezrandina Yekîtiya Nîştimanî ya Kurdistanê de li komeleya Pêşmergeyên kevin de li bajarê Silêmaniyê were danîn.
Agnîta di sala 1946an de li Stockholmê paytexta Siwîd ji dayik bûye. Xwediyê dîplomaya bazirganî û aboriyê ye û bi zimanê Swîdî, Îngilîzî, Almanî û Îtalî jî dizanî.
Omar Şêxmûs, ku xortekî ji bajarê Amûdê ya Rojavayê Kurdistanê ye, di dema xwe de ji Londonê çû Zanîngeha Stockholmê da ku li wir qeyd bibe. Agnîta nivîsan ji Omer Şêxmûs negirt. Ew ji aliyê hevalekî ve ji bo şahiyekê hatibû vexwendin û li wir hevdû dibîin û hevdû nas dikin. Di roja 4ê Nîsana 1974an de, wan biryar da ku bizewicin.
Omer Şêxmûs di şeva yekem de jê re dibêje: Nefikire ku em ê heta hetayê bi hev re bijîn, ji ber ku ez çepgir im û nizanim sibê ez ê li Çînê an li Kubayê xebat bikim an jî vegerim Kurdistanê.
Agnîta jî jê re dibêje: Ez bi her tiştê ku tu dibêjî razî me, eger rojekê em biçin çiyayên Kurdistanê û bibin Pêşmerge û di şikeftan de bijîn jî.
Di sala 1980an de, Agnîta biryar da ku were Kurdistanê, pêşî diçe Amûdê li Rojavayê Kurdistanê û dû re jî bi rêya Mehabadê diçe Nawzeng. Dema ku Serok Mam Celal zanî ku Agnîta hatiye, li pişt mala wî ya li Nawzengê ji bo wê xaniyekî çêdike. Wî demî 5 jin li çiya ne ew jî evin: (Hêro Xan, Nermîn Osman, Nazanîn Osman, Ronak Şêx Cenab û Pakîza Xan).
Êdî Agnîta dibe Pêşmerge di nav refên Yekîtiya Nîştiman ya Kurdistanê (YNK)ê de û dibe yekem jina biyanî di nava rêzên Şoreşa Mnû de û nasnavê wê jî (TARA) tê binavkirin û bi vî awayî mil bi mile Omer Şêxmûs hevserê xwe beşdariyê di xebata çekdarî de dike.
Di salên dawî yên jiyana xwe de, wê plan dikir ku bîranînên xwe binivîse, heta 60 rûpel jî nivîsî, lê mirinê nehişt ku ew vê yekê temam bike. Ew di sala 2019an de li Stockholmê koça dawî kir û li wir hat veşartin.
Xelat
