SOHBET
Helbest: Siltana Memê
Min got:- Dunya yê, li ku ma rastî?
Got:- Hê ka bibî, şehdê her qestî!
Min got:- Ax dilo, çima dinalî?
Got:- Baxçê min bû, besta xik-xalî!
Min got:- Roj diçin, lê wê bên şûn da?
Got:- Bêvegerin, dem, gavên winda!
Min got:- Payîzê, ma wa mirûzî?
Got:- Ewrên reş da, ro jî lerizî!
Min got:- Wey hîvê, çi şewq, şemalî,
Got:- Li reşê şev, bûme bermalî!
Min got:- Min hez kir, pir bi dil û can,
Got:- Lê wî te kuşt, bi hest kelecan!
Min got:- Çi heq li dergê vekirî?
Got:- Pêşwazî germ, lê sewd - dengbirî!
Min got:- Kî bo min, da ruhê şîrîn?
Got:- Ma nizanî, beyta kevnarîn?
Min got:- Pir xweşin, Bavo û Dayê,
Got:- Bi saya wan, da germahiyê!
Min got:- Min bibe, warekî bêxem,
Got:- Tune ew cîh, hene kes hêçxem!!
Min got:- Dinê da, kî bê xof, bê bext?
Got:- Li fêza jor, kesê li ser text!
Min got:- Lê li min, kî kir bawarî?
Got:- Jêhatî tim, ji hev dîyarî!
Min got:- Bêhnxweşe, mîna gulava,
Got:- Bi rêzdar ku, dide silava.
Min got:- Sohbeta min û cîhanê,
Got:- Pirs, bersivên, jîn û jîyanê.
5.05.2026s.
Xelat
