ŞEVA TERÎ
Helbest: Siltana Memê
ŞEVA TERÎ
Şeva terî, kerr û lale, min dinhêre,
Vebû derî, bîranînên berbihêre.
Sal û zeman li me firîn bê feyde ye,
Çima keman dikewgire, ne qeyde ye.
Şeva terî dorpêç kirim mohbetê da,
Dil digirî, dilîlîne hemêzê da.
Ax hesrete, bê zar-ziman hest dikoje,
Ax nefrete, dil û hinav min disoje.
Verêsînim, navbera me kul û derde,
Binvîsînim, eşqa dila, pênûs merde.
Hîvero me, seva dirêj, bême xewne,
Neke lome, evîndarim evîn tevne.
Perê şevê - azaya min dilbirîne,
Rondik çevê reş dirêjin, kes nabîne.
Xewna min, te - zor û zulma cîhanê ye,
Siba min, te - pişt hidûdê jîyanê ye.
Dest min bigir, hişyarbe wê xewna kûre,
Sebrê vegir hîvero yê, ji te dûre.
24.05.2024.
XELAT
