WEY KALÎYÊ
Helbest: Ebdurrahîm Înanç
Mustefilun mustefilun mustefilun mustefilun
Wey kaliya malik xerab her dem bi êş û îzdîrab
Ma qey nebes bû ev ezab cergê me sotin bû kebab
Kanê ciwanî ka xweşî ew zewq û narîn û geşî
Ronî te bir anî reşî dinya li min wê bû serab
Xedrê dikî nabêjî bes carek te bir zewq û hewes
Muhlet tu nadî yek nefes ev jîn li min va bû hubab
Pêşî sipî û kal dikî bê heyl û hem bê hal dikî
Ber minnet û bê mal dikî rewşa di min têk bû şîtab
Pêşî te çavê min birin muhtacî berçavka kirin
Dî xwendinê ranagirin ka hûn bibêjin yek cewab
Sendrom çî ye ew bê xwedî te’rîfek bo wê min nedî
Jan û tezînek kes nedî nahêle çavande xewab
Çûka di êşînî ji dil piştê dikî mîna kevil
Bejnê dikî şibhê hejil nabêji bes malîxerab
Sekta dilî êşa giran zîr û zeber kîr tev guman
Pelçim weran mislê xezan mirov dibîtin pir bîtab
Kollesterol astengîye, cûbar li xwînê girtî ye
Destûr ji bo xwarnê nîye hetta digêrit bin turab
Çavên di ron nabîn dikî “ Behmûrî”jî bê vîn dikî
Axir tu talî dîn dikî ma qey ne bes ev iztîrab
23/4/2026 ENQERE
Xelat
