DIYARÎ
Helbestvan: Suphîye Bulut
Welatê min
Ma tu dizanî
Ez çi qasî ji te hez dikim
De ka bide min destûrê
Ji te re bêjim ya dilê xwe
Ez jîn û jiyana xwe
Diyarî navê te dikim
Ez dil û hestên xwe
Diyarî hezkirina te dikim
Ez zimanê xwe
Diyarî hebûna te dikim
Ez gul û kulîlkên li ber paca xwe
Diyarî bihara te dikim
Ez şad û kêfxweşîya xwe
Diyarî cejna te dikim
Ez xewn û xeyalên xwe
Diyarî xewa te dikim
Ez bawerî û daxwazên xwe
Diyarî hêvîyên te dikim
Ez xeml û rewşa xwe
Diyarî ala te dikim
Ez rih û canê xwe
Diyarî serxwebûna te dikim
Ez girî û kenê xwe xwe
Diyarî azadiya te dikim
Kurdistana min
XELAT
