Wek ku tu nema ji min hez dikî?!
Helbest: Konê Reş
Ezbenî! Wek ku tu nema ji min hez dikî?!
Êdî nema baran ji dengê te dibare..
nema karên xezalan, di beriya Mêrdînê de
xuya dikin..
Gelo! Dema ku ez tême bîra te
Tu min wek rêwiyekî, an nemroyekê,
di deftera kirîn û firotinê de, derbas dikî?!
Ezbenî ez û tu yek in!
Em kêlîkan kom dikin..
Lê sed mixabin, soz winda dibin û
Di encam de em herdu li xisarê ne!
Belkî rojekê, şevekê heyam bifetiqe
Û ez xwe wek Mîrê Botan serdest bibînim;
Nêrgiziya derdorî Seqlanê Meman,
bi ava Dicle av bidim,
Şevbuhêrkên di Burca Belek de
Bi lavij û stranên Botanî vejînim..
Belkî dareke Çinarê
di nav kefa herdû destê min de
şîn bibe, an Berbangeke nû
di nav herdu çengên destê te de
Ronahiyê belav bike..
Xelat
