WELATO
Helbest: Hinara Tajdîn
WELATO
Bi av xwîna şehîdan,
Şînbûn gulên me kurdan,
Bi dilkovan bûn destan
Disojînin dil, cergan.
Ez bibama ça teyrek,
Bikra dinê min gerek,
Hilda xezay hêz, wêrek
Hemêz kira min carek.
Biçama li bakûrê,
Mêvanê çîyay Agîrê,
Mûş, Wan, Qersê, Îdirê
Girava Ax Tamarê.
Rêketama çîyay şêra,
Bokeberan, xweş mêra,
Li meskenê xêr, bêra
Kerrbe dengê şûr, kêra.
Pêjberî min başûre,
Wir diştrên şarûre,
Birîna min pirr kûre
Cûr bi cûre, xedare.
Rojhilat û rojava,
Cot stêyrin nav şeva,
Pîrozîne ser lêva
Çîyay Cûdîne ber çava.
Îro roja mêrane,
Egît, mêrxas, şêrane,
Em kurd hemî birane
Barê me pir girane.
Rabin, himberî dijmin,
Qutkin zendên wan hovan,
Azakin em KURDISTAN
Bikin buhuşt, gulistan.
Bi av xwîna şehîdan,
Şînbûn gulên me kurdan,
Bi dilkovan bûn destan
Disojînin dil, cergan.
Xelat
