Hunermendê Çiyayê Kurmênc Ciwan Hesen koça dawî kir
Berbanga serê sibeha îro 22/5/2025 hunermendê çiyayê kurmênc yê dilsozê welat û kurdperwer (Ciwan Hesen) piştî têkçûna tenduristiya wî li nexweşxaneya Razî ya bajarê Helebê koça dawî kir.
Ciwan Hesen hunermendekî jîr û jêhatiye ku piraniya stranên xwe derbarê Kurd û Kurdistan û xemxuriya Efrînê ne. Ciwan Hesen, lawê mamoste (Îsmetê Gorda) ye, malbateke welatperwer û hezkirî ye.
Piştî ketina Tirkiye û çekdarên Sûrî girêdayî wê, hunermend Ciwan Hesen bi malbata xwe re bi yekcarî ji Efrînê derdikevin û berê xwe didin Şehbayê hevsînorê Efrînê, her weha piştî ketina komên çekdar bo nav Şehbayê û vekişandina hêzên HSDê, ligel koçberên Efrînê berê xwe dane herêmên Rojhilata Firatê.
Li wir jî, di radyoya ARTA FMê de dest bi kar kir û di encama şewatê de, ew birîndar dibe û bi lezgînî rewaneya nexweşxaneya Razî li bajarê Helebê tê kirin û niha jî di jêr kontirola hestyar de ye û tê dermankirin.
Em bi navê stafa Xelatê serxweşiya malbata Ciwan Hesen û gelê kurd dikin.
Ciwan Hesen di sala 1980an de li Efrînê ji dayik bûye û têde mezin bûye. Xwendina xwe ya seretayî, navîn û amadeyî li bajêr qedand û dû re li Enstîtuya Amadekariya Mamosteyan a li Ezazê xwend. ji pola duyemîn ve li tembûrê dixe. Ciwan Hesen di sala 2011an de yekem koma mamosteyên zimanê Kurdî li ser asta Kantona Efrîn perwerde kir û çar salan mamoste bûye.
Her weha wek nûçegihanek ji bo Ronahi TV, beşa Kurdî xebitî . di nameyeke xwe de ku ji nivîskarê Pîr Rûstem re şandibû weha têde gotiye: "Dema ku em ji cih û warê xwe hatin derxistin û em çûn Şehbayê, min dest bi stranbêjî û hunerê kir. Ez niha endamê Navenda Çand û Hunerê me, bi hevalên xwe re di komîteya nirxandinê de dixebitim. Min strana xwe ya yekem çêkir, ku min gotinên wê hunandin û ji hevalê xwe Mihemed Balko re terxan kir, ku wî ew çêkir û dû re hunermend Baland Îbrahîm ew got, û ew jî ev e: Ew ji Efrînayê ye.
Paşê min çend stran bi gotin û muzîka xwe çêkirin, ku ev in: Lulu û Lato, Spa Te Bheir Beh Afrina Min, Tiye Pera Min, Del Sara, Qahbe Dunya, Haifa Ron ji bo şehîd Hevrîn, Har Dar Rojava, Mala Min, û çend projeyên din jî hene ku amade ne û em li benda klîban in."
Hunermendê mezin ê Kurdistanî ku bi xwe ji bajarê Efrînê ye Xelîl Xemgîn ev name ji bo koça dawî yê Ciwan Hesen nivîsiye:
"Çi eceleya te bû keko? Ma ne wek navê xwe tu hîn CIWAN bû?
Ma ne tu bi xwe agir bû, agir çawa dikare “agir” bişewtîne?
Agirê te wê venemre CIWANÊ AGIR
Li çiyayên Kurmênc, li birc û baniyên welatê me, hertim şemedana te wê vêketî bimîne.
Nikanim bêjim Oxir be Ciwan, ji berku tê hertim di bîr û hizra gelê xwe de bijî.."
Xelat
Xelat
