MIN JÎN Û VÎN TÊK BÛN HEBA
Helbestvan: Ebdurrahim İnanç
Perde li ser dêmê hilêt
Eşqa di dil wê bîte pêt
Sebr û qerar wê dî neêt
Canê biçit dil jî teba
Xala li ser cebhê numa
Bisk lê weşan an û dema
Wê saetê min hiş nema
Min jîn û vîn têk bûn heba
Gava mi dî ew şahîmar
Hêdî ji burcê hate xwar
Bê hiş kirim û bûme jar
“Kesk etlesa dîba qeba”
Biska li dêmê perde kir
Nûra binefşê berze kir
Gerden ji ‘acê zêde kir
Gava dihat bayê seba
Neylûfera baxê dila
Gêsû dihatin ser mila
Ew bûye sîqala dila
Rewneq şebîhê kewkeba
Gava xwuyaba ew zerî
Jorda bihata ew perî
Bê hed dibûn lê muşterî
Aram ji bo kes wê neba
Ronya du çavê min tu yî
Naz û ciwana min tu yî
Hêvî gumana min tu yî
Sed îhtiram û merheba
Cana di dil Bajarî ye
Xifşek xezal Berwarî ye
Zêrîn guhar reş kofî ye
Bisk jî şebîhê eqreba
Dêmên di sor rengê hinar
Horîweş e zerya kubar
Şerbet ji lêvan min vexwar
Bûm mubtelayê xebxeba
Hatin semayê nazenîn
Perçem li ser dêmê weşîn
Behmurî kir ax û enîn
Hêdî bû berbehs û neba
12/4/2025 Cizîr
Xelat
