Ma kê leşker tev reş da?

Helbest: Hasan Kordede

Ma kê leşker tev reş da?

Nabe ku ez te bajom

Di rîya çep û şaş da

Nabe ku te bêjînim

Di bêşîga belaş da

Dibe ku bilorînim

Wekî davên şabaşda

Ezê te her b'mêjînim

Wek ejdehê di kaşda

Qelen çiqas buhabe

Bizane min şabaş da

Evîn gelek b'wate ye

Dil wekî pê qumaş da

Ez wê carek bibînim

Wek rebenê miaşda

Şahî ya xwe bistînim

Serî li ber teraş da

Kengî werî vê malê

Sîxur biçin bi paşda

Gel ahenga bicoşin

Da em neçin bi paşda

Ev bû çel sal dinalim

Di vîneke nexweş da

Bijîjkekî nabînim

Pendê bigrin zebeşda

Kesk û sore xweş elest

Ma kê leşker tev reşda

27/04/2023-Serzorî

 -----------------------------

Ser dem ya we ye?

Kurdo çawa tu aramî,warê te çû bi heramî

Carek binêr li dora xwe çawa  bi coş û medamî

Xelk li pişta te çûne heyvê bê derfet û eyamî

Guh bidne hevdu hûn carekê da ku biçin ser damî..

Welat wêran Tar û mare narvîna me tim bêçare

Kurdo rabe ev çi kare dijmin li me bûn siware

Derfet hatî zû bernede rêka bigre li neyare

Aman derdo pir dinalim bese qîrîn û heware..

Ol perestan em xapandin kesek nadî maf bi lavan

Rêça kelhê dûr dirêje de tu vede zexim gavan

Bîra neke tu nenasî ta neaxivî wek dê bavan

Bi zimanê xwe neçî dijmin tew nadî te silavan..

Qelew bûne di pişt teda xinizin ew wek bê bava

Bi zanîn û hiş biçe meydan bişerikîn wan tava

Guştê mirdal nayê xarin nejî werîsê bi xava

Dinya vala dawî çale her kes diçe rîya xwava..

Warê şêran parvedikin kund û qijak cih dikine

Bese li hev derewan bikin benê derewan kine

Helebet rastî wê serkevê ger dinya bib ser-bine

Ez nizanim çawa dijî wek şaşî ya ar li bine..

15/04/2024-Serzorî

XELAT