Ji Suphîye Bulut sê helbest
Helbestvan: Suphîye Bulut
DENGÊ DIL
Dengekî westiyayî
Hat ji nav dilê min
Go keçê Suphîye
Bi derd û êşên xedar
Barê min giran neke
Ezê nikaribim rakim
Vî barê ji dinê girantir
Şevekê dibe bisekinim
Û li min nebe sibe
************
TU
Tu gula min a sipî ye
Lê de nizanim çima
Bextê te tim reş û tarî ye
Tu dara li hewşa min î
Lê çûkên biyanî
Hêlînên xwe li ser te danîye
Tu çiyayê warê min î
Divê li te bibarî berfa sipî
Lê li te dibare jehr û bombe
Tu yar û evîna min î
Lê li ser sînga te
Razayîne dagirkerên hov
Tu taya dilê min î germ e
Lê li min qeşa ye
Û dihejim ji serma
Ax gula min a birîndarî
De ezê çawa bi van êşên te
Bê xem û xweş bijîm
*******
NAVÊ TE BÛ
Min
Di xewna xwe de
Bi pênûsek zêrín
Û
Bi evín û coş
Helbestek dinivisî
Ji serî heta binî
Tenê navek bû
Ew navê
Şêrîn û xweş
Navê te bû
Kurdistana min
XELAT
